බොරු සාක්‌ෂි දුන් කාන්තාවට හිමිවුන අමතක නොවන පාඩම

හලාවත මහාධිකරණයේ විභාග වන නඩුවකදී පැමිණිල්ලේ සාක්‌ෂිකාරියක ලෙස දිවුරුම් මත සාක්‌ෂි දෙමින් සත්‍ය ප්‍රකාශ කිරීමට නීත්‍යනුකූලව බැඳී සිටියදී අසත්‍ය සාක්‌ෂි දී අධිකරණයට අපහාස කරන ලද බවට චෝදනා ලද සාක්‌ෂිකාරියකට හලාවත මහාධිකරණ විනිසුරු වයි. ප්‍රනාන්දු මෙනවිය බර වැඩ සහිත වසරක සිරදඬුවමක්‌ 7 දින නියම කළාය.

එම සිරදඬුවමට අමතරව රුපියල් 2500 ක දඩයක්‌ ද නියම කර දඩ මුදල නොගෙවන්නේ නම් ඒ සඳහා ද බර වැඩ සහිත මාස දෙකක සිරදඬුවමක්‌ නියම කළාය.

බොරු සාක්‌ෂි දීමේ වරදට විත්තිකාරියක වී දඬුවම් ලැබූයේ වෙන්නප්පුව බටහිර නයිනමඩම මුට්‌ටුව වැල්ල පදිංචි ජයසූරිය කුරණගේ තිලිකා මධුෂි නම් අයයි. 

නඩුවේ චූදිත විත්තිකාරිය බලෙන් ලිංගික සංසර්ගයකට ලක්‌ කළ බවට සාක්‌ෂි දී තිබියදී පසු අවස්‌ථාවක චූදිත එසේ නොකළ බවට සාක්‌ෂි දී තිබේ.