12 හැවිරිදි දැරියට අතවර කළ සෙවනගල ප්‍රා. සභා මන්ත්‍රී ඇතුළු තුනක් අත්අඩංගුවට

12 හැවිරිදි දැරියක් අතවරයට ලක්කර ප්‍රාදේශීය සභා මණ්ත්‍රීවරයා ඇතුළු තිදෙනෙක් රක්ෂිත බන්ධනාගාර ගත කර තිබෙනවා.

පසුගිය පස්වනදා සෙවනගල කිරිඉබ්බන් ආර කැටගල් ආර ගම්මානයේ 12 හැවිරිදි මන්ද මානසික දැරියක් අතවරයට ලක් කල තණමල්විල ප්‍රාදේශීය සභාවේ මන්ත්‍රී රණවීර ගම ආරච්චිගේ රණවීර නොහොත් තල අතු නාලක (පොදු ජන පෙරමුන),මහවැලි අදිකාරියේ රියදුරු මහතකු වන එච්.ඒ. ප්‍රියංග කුමාර නොහොත් චමින්ද, සහ එච්.ඒ ආනන්ද නොහොත් හින්නි මාමා නැමති අය ලබන 16 වනදා දක්වා රක්ෂිත බන්ධනාගාර ගත කරන ලෙස ඇඹිලිපිටිය මහේස්ත්‍රාත් ලක්මිනි විදාන ගමගේ මහත්මිය ඊයේ (08) නියෝග කරන ලදි.

සෙවනගල පොලීසිය විසින් මන්ත්‍රීවරයා ඇතුළු තිදෙනා ඊයේ (08) අත්අඩංගුවට ගෙන අධිකරණය වෙත ඉදිරි පත් කරනු ලැබීය. මීට පෙර දිනෙක (07) මෙම සිද්ධියට අදාලව දෙදෙනෙක් අත්අඩංගුවට ගෙන අධිකරනය වෙත ඉදිරි පත් කිරී මෙන් අනතුරුව ලබන 21 දක්වා රක්ෂිත බන්ධනාගාර ගත කරනු ලැබීය. සිද්ධියට අදාල දැරිය හම්බන්තොට මහ රෝහලේ ප්‍රතිකාර ලබමින් සිටී.

සෙවනගල පොලීසිය මේ පිලිබද වැඩිදුර පරීක්ෂණ සිදු කරනු ලබයි. 

සෙවනගල.එස්.කුට්ටපිටිය