මන්ත‍්‍රී නිදහස් තැපැල් දීමනාව සියයට 100 කින් ඉහළට

Loading...

සියලූ පාර්ලිමේන්තු මන්ත‍්‍රීවරුන්ට සහ පළාත් සභා මන්ත‍්‍රීවරුන්ට ලබා දෙන නිදහස් තැපැල් දීමනාව සියයට 100 කින් වැඩි කිරීමට ආණ්ඩුව තීරණය කර ඇත.
ඒ අනුව පාර්ලිමේන්තු මන්ත‍්‍රීවරයකුට මෙතෙක් ලබා දුන් රුපියල් 175000 ක නිදහස් තැපැල් දීමනාව රුපියල් තුන් ලක්ෂ පනස් දහස දක්වා ඉහළ දමා ඇත.

පළාත් සභා මන්ත‍්‍රීවරයකු සඳහා මේ දක්වා ලබාදුන් රුපියල් විසිහතර දහසක නිදහස් තැපැල් දීමනාව රුපියල් 48000 දක්වා වැඩි කර ඇත.
මේ සඳහා වන අංක 2110/53 දරන අති විශේෂ ගැසට් නිවේදනය තැපැල් සේවා සහ මුස්ලිම් ආගමික කටයුතු ඇමැතිවරයා විසින් පසුගිය සිකුරාදා (15 දා* ඇමැති මණ්ඩලය වෙත ඉදිරිපත් කර ඇති අතර ඇමැති මණ්ඩලයද ඒ සඳහා සිය අනුමැතිය ලබා දී ඇත.
අජිත් අලහකෝන්
දිවයින පුවත්පත