Wednesday, December 12, 2018

117 කවුද ඕවා පිළිගන්නේ - එස්බී

SHARE

පාර්ලිමේන්තුව මේ දිනවල රැස්වන්නේ නීති විරෝධී ආකාරයෙන් බැවින් එහිදී සම්මත වන කිසිඳු යෝජනාවක්
පිළිගැනීමට නොහැකි බව  හිටපු අමාත්‍ය එක්සත් ජනතා නිදහස් සන්ධාන පාර්ලිමේන්තු මන්ත‍්‍රී එස්.බී දිසානායක මහතා පැවසීය.
කතානායකවරයා පාර්ලිමේන්තුව කැඳවනු ලබන්නේ නව රජයක් පිහිටුවීමෙන් පසු අනුගමනය කළ යුතු කිසිඳු ක‍්‍රියාමාර්ගයක් අනුගමනය නොකර බව ද එස්.බී දිසානායක මහතා සදහන් කළේය.

  ‘රනිල් වික‍්‍රමසිංහ මහතාට විශ්වාසය පළ කිරීමේ යෝජනාවකට පාර්ලිමේන්තු බහුතරය හිමිවුවහොත් එය පිළිගන්නා බව ඔබතුමන්ලා මීට පෙර පැවසුවා. අද එම කාර්යය සිදුවෙනවා. දැන් එය පිළිගන්නවාද? යනුවෙන් මාධ්‍යවේදියා ප‍්‍රශ්න කළ අතර එයට පිළිතුරු දෙමින් එස්.බී දිසානායක මහතා පැවසුවේ පාර්ලිමේන්තුවේ පිහිටුවිය යුතු තේරීම් කාරක සභාව නම් කළ නමුත් එය රැස්වීම හෝ සෙසු කමිටු පත්කිරීමක් මෙතෙක් සිදු නොවූ බවයි.
 එවන් තත්ත්වයක් යටතේ පවත්වාගෙන යන පාර්ලිමේන්තුව නීත්‍යානුකූල නොවන බව කී මන්ත‍්‍රීවරයා පාර්ලිමේන්තුවේ බහුතරය පරීක්‍ෂා කළ යුතු නම් හෝ විරෝධතා දැක්විය යුතු නම් එසේ කරන ක‍්‍රමවේදයක් තිබෙන බවද  වර්තමානයේ පාර්ලිමේන්තුව පවත්වාගෙන යන ආකාරය නීති විරෝධී බැවින් එය ගන්නා තීන්දු පිළිගන්නේ නැතැයිද 'ඔහු කීවේය.




SHARE

Author: verified_user

Lanka News Times වෙබ් අඩවිය මෙරට දේශපාලන ප‍්‍රවෘත්ති පාඨක ජනතාවට සැපයීමේ අරමුණින් ක‍්‍රියාත්මක වන ප‍්‍රමුඛ පෙලේ වෙබ් අඩවියකි. අප වෙබ් අඩවිය ජාතිවාදයෙන් තොර සමස්ථ ලාංකිකයින්ටම පොදු අන්තර්ජාල පුවත් භාවිතයක නිරතවන බව අපි මෙසේ වගකීමෙන් දැනුම් දෙන්නෙමු. (බාහිර වෙබ් අඩවි වලින් ගනු ලබන තොරතුරු වල සත්‍යතාවය පිලිබදව අප වගකීම් නොදරන බව කාරුණිකව සලකන්න.)

0 comments: